ఒక భారీ చిత్రం నుంచి దర్శకుడు తప్పుకున్నాడు అంటే.. అది పెద్ద వార్తే. ఆ చిత్ర బృందానికి అది పెద్ద షాక్ అనే భావిస్తాం. ఆ హీరోతో సహా అభిమానులు తీవ్ర నిరాశకు గురవుతారు. సినిమాకు ఇది నెగెటివ్ అవుతుందనే అనుకుంటాం. కానీ సూపర్ స్టార్ రజినీకాంత్ కొత్త చిత్రం విషయంలో మాత్రం దీనికి భిన్నమైన రెస్పాన్స్ వస్తోంది. రజినీ హీరోగా లోక నాయకుడు కమల్ హాసన్ నిర్మాణంలో ఇటీవలే ఒక సినిమాను అనౌన్స్ చేసిన సంగతి తెలిసిందే. ఆ చిత్రానికి దర్శకుడిగా సుందర్.సి పేరును ప్రకటించారు.

 

కెరీర్లో ఈ దశలో సుందర్ జాక్ పాట్ కొట్టాడనే అందరూ అభిప్రాయపడ్డారు. కానీ కట్ చేస్తే.. ఈ ప్రకటన వచ్చిన పది రోజులకే ఈ చిత్రం నుంచి తప్పుకుంటున్నట్లు ప్రకటించి సుందర్ పెద్ద షాకిచ్చాడు. కొన్ని అనివార్య కారణాలతో ఈ సినిమాలో తాను భాగం కాలేకపోతున్నట్లు అతను ప్రకటించాడు.