కేసీఆర్ పెట్టిన భిక్ష వల్ల సంజయ్ ఎమ్మెల్యేగా గెలిచారని, ఆయనపైనే విమర్శలు చేస్తున్నారని ఆగ్రహం వ్యక్తం చేశారు. సంజయ్ నోటికి వచ్చినట్లు మాట్లాడుతున్నారని, చూస్తూ ఉండబోమని అన్నారు. పార్టీ మారిన పది మంది ఎమ్మెల్యేలను కచ్చితంగా నిలదీస్తామని, అడుగడుగునా అడ్డుకుంటామని హెచ్చరించారు. కేసులు పెట్టి భయపెట్టాలని చూసినా భయపడే ప్రసక్తే లేదని అన్నారు. కొంతమంది అధికారులు ఇష్టం వచ్చినట్లు చేస్తున్నారని, మూడేళ్ల తర్వాత కేసీఆర్ ముఖ్యమంత్రి అవుతారని, ఈ రోజు అతి చేస్తున్న అధికారులను ఎవ్వరినీ వదిలిపెట్టబోమని హెచ్చరించారు.