త్వరలో ఇంగ్లండ్ లో జరగనున్న టీ20 సిరీస్ కు సిద్ధమవుతున్నారు. ఈ మధ్యనే ఒక విల్లాను కొనుగోలు చేయటం ఆసక్తికరంగా మారింది. ఇదిలా ఉండగా.. యూపీలో విపక్షమైన సమాజ్ వాదీ పార్టీకి చెందిన లోక్ సభ యువ ఎంపీ ప్రియా సరోజ్ తో ఎంగేజ్ మెంట్ అయినట్లుగా వార్తలు రావటంతో ఆమెకు సంబంధించిన వివరాల మీద ఆసక్తి వ్యక్తమవుతోంది. ప్రియా సరోజ్ విషయానికి వస్తే.. గత ఏడాది జరిగిన సార్వత్రిక ఎన్నికల్లో యూపీలోని మచ్లిషహార్ ఎంపీ స్థానం నుంచి సమాజ్ వాదీ అభ్యర్థిగా బరిలోకి దిగిన ఆమె విజయం సాధించారు. పాతికేళ్ల వయసులోనే ఎంపీగా ఎన్నికైన ఆమె అందరిని ఆకర్షించారు.

లోక్ సభలో రెండో పిన్న వయస్కురాలిగా నిలిచిన ఆమె.. బీజేపీ అభ్యర్థిపై 35వేల ఓట్ల తేడాతో విజయం సాధించారు. రాజకీయ నేపథ్యం ఉన్నకుటుంబం నుంచి వచ్చిన ప్రియా సరోజ్ తండ్రి తుఫానీ సరోజ్. ప్రస్తుతం ఆమె ప్రాతినిధ్యం వహిస్తున్న లోక్ సభా స్థానం నుంచి ఆమె తండ్రి మూడు సార్లు ఎంపీగా గెలిచిన ట్రాక్ రికార్డు ఉంది. 1999, 20024, 2009లో ఆయన హ్యట్రిక్ విజయాన్ని సొంతం చేసుకున్నారు. ప్రియా సరోజ్ విద్యార్హతల విషయానికి వస్తే ఢిల్లీ వర్సిటీలో లా చదివిన ఆమె.. సుప్రీంకోర్టులో న్యాయవాదిగా పని చేశారు.

వీరిద్దరికి పెళ్లి విషయంపై చర్చకు కారణం.. రింకూ సింగ్ తన సోదరితో కలిసి దిగిన ఫోటోలే. ఆ ఫోటోల బ్యాక్ గ్రౌండ్ లో డెకరేషన్ చేసి ఉండటంతో రింకూ ఎంగేజ్ మెంట్ జరిగిందా?అన్నది ప్రశ్నగా మారింది. అదే సమయంలో ప్రియా సరోజ్ తో ఎంగేజ్ మెంట్ జరిగిందన్న ప్రచారం రావటంతో.. ఆ సందర్భంగానే తన సోదరితో ఫోటోలు దిగి ఉంటారన్న అభిప్రాయం వ్యక్తమవుతోంది. తాజాగా వస్తున్న వార్తల నేపథ్యంలో వీరిద్దరూ స్పందిస్తారేమో చూడాలి.