సీబీఎన్‌.. ఒరిజిన‌ల్ సీఈవో ఆఫ్ ఆంధ్ర‌ప్ర‌దేశ్‌: పారిశ్రామిక వేత్త‌ల ప్ర‌శంస‌లు

admin
Published by Admin — November 15, 2025 in Politics, Andhra
News Image

ఏపీ సీఎం చంద్ర‌బాబుపై ప‌లువురు ప్ర‌ముఖ పారిశ్రామిక వేత్త‌లు ప్ర‌శంస‌ల జ‌ల్లు కురిపించారు. అంద‌రూ మ‌హామ‌హులే కావ‌డం గ‌మ‌నార్హం. అంతేకాదు.. దేశంలోనే ప్ర‌తిష్టాత్మ‌క సంస్థ‌ల‌కు ప్రాతినిధ్యం వ‌హిస్తున్న‌వారు కూడా కావ‌డం మ‌రో విశేషం. వీరిలో క‌ర‌ణ్ అదానీ ఒక‌రు. ఆయ‌న ఏకంగా చంద్ర‌బాబును ఏపీకి కెప్టెన్‌గా పోల్చారు. చంద్ర‌బాబు కెప్టెన్సీలో ఏపీ అభివృద్ధి వ‌డివ‌డిగా ముందుకు ప‌రుగులు పెడుతోంద‌న్నారు. అంతేకాదు.. ఒరిజిన‌ల్ సీఈవో ఆఫ్ ఆంధ్ర‌ప్ర‌దేశ్ చంద్ర‌బాబునాయుడేన‌నిచెప్పారు. ఆయ‌న విజ‌న్‌కు తాము ఫిదా అవుతున్నామ‌ని తెలిపారు. చంద్ర‌బాబు విజ‌న్‌- మంత్రి నారా లోకేష్ ఈజ్ ఆఫ్ డూయింగ్ బిజినెస్‌లు అద్భుత‌మ‌ని కితాబిచ్చారు. వారి ప‌నితీరుకు తాము సంతోషంగా ఉన్నామ‌న్న క‌ర‌ణ్‌.. మ‌రో ల‌క్ష కోట్ల రూపాయ‌ల పెట్టుబ‌డులు పెట్ట‌నున్న‌ట్టు వెల్ల‌డించారు.

ఏపీ సీఎంగా చంద్ర‌బాబు ఉండ‌డం గ్రేట్‌(గొప్ప‌) అని ప్ర‌ముఖ‌ బ‌జాజ్ ఫైనాన్స్ స‌ర్వీసెస్ సీఎండీ సంజీవ్ బ‌జాజ్ కొనియాడారు. చంద్ర‌బాబు వ‌య‌సు త‌న‌కు తెలియ‌ద‌ని చెప్పిన ఆయ‌న‌.. ఇక్క‌డ‌కు వ‌చ్చాక తెలుసుకుని ఆశ్చ‌ర్య పోయాన‌న్నారు. ఆయ‌న 40ల‌లో ఉండే వ్య‌క్తిగా చాలా చ‌లాకీగా ప‌నిచేస్తున్నార‌ని.. ఇప్పుడున్న కాలంలో ఇలా యాక్టివ్ గా ప‌నిచేసే వారు అరుదుగా ఉన్నార‌ని చెప్పారు. ఏపీకి ఎంతో తీర ప్రాంతం ఉంద‌న్న బ‌జాజ్‌.. ఈ దేశానికి ఏపీ గ్రోత్ ఇంజ‌న్‌(ముందుకు న‌డిపించే శ‌క్తి) వంటిద‌ని చెప్పారు. స్టార్ట‌ప్ కంపెనీల‌ను రాష్ట్ర వ్యాప్తంగా ఏర్పాటు చేయ‌నున్న‌ట్టు బ‌జాజ్ వెల్ల‌డించారు. అదేవిధంగా స్కిల్(నైపుణ్య‌) కేంద్రాల‌ను కూడా ఏర్పాటు చేయ‌నున్న‌ట్టు తెలిపారు.

సీఎం చంద్ర‌బాబును మ‌రో పారిశ్రామిక వేత్త‌, ఔష‌ధ రంగంలో దిగ్గ‌జ సంస్థ భార‌త్ బ‌యోటెక్ ఎంపీ సుచిత్ర ఎల్ల కొనియాడారు. ఆయ‌న ఎప్పుడూ విజ‌న్ అంటూ అభివృద్ధికి ప్రాధాన్యం ఇస్తున్నార‌ని చెప్పారు. హైద‌రాబాద్‌లో త‌మ సంస్థ‌ల ఏర్పాటు వెనుక ఆయ‌న ప్రోత్సాహం ఉంద‌న్నారు. ఏపీలోనూ ఔషధ రంగాన్ని డెవ‌ల‌ప్ చేస్తున్నార‌ని కొనియాడారు. ఏపీకి ఉన్న తీర ప్రాంతం ఎంతో భారీగా రాష్ట్రానికి మేలు చేస్తుంద‌న్నారు. ఆత్మ‌నిర్భ‌ర్ భార‌త్‌ను పుణికి పుచ్చుకున్న సీఎం చంద్ర‌బాబు.. ఏపీని మ‌రింత‌గా డెవ‌ల‌ప్ చేస్తార‌న్న న‌మ్మ‌కం, విశ్వాసం త‌న‌కు ఉన్నాయ‌ని ఎల్లా పేర్కొన్నారు.

సీఎం చంద్ర‌బాబు సార‌థ్యంలో ప‌నిచేసేందుకు తాము ఉత్సాహంగా ఉన్నామ‌ని ప్ర‌ముఖ మోటార్ రంగ దిగ్గ‌జ సంస్థ‌ టీవీఎస్ సీఎండీ సుద‌ర్శ‌న్ వేణు చెప్పారు. రాష్ట్రంలో బ‌ల‌మైన నాయ‌క‌త్వం ఉంద‌న్నారు. ద‌ర్శ‌నిక‌త క‌లిగిన నాయ‌కుడు(చంద్ర‌బాబు) ఉన్నాడ‌ని తెలిపారు. ఏపీ అభివృద్ధిలో తాము కూడా భాగ‌స్వామ్యం అవుతామ‌ని.. పెట్టుబ‌డులు పెట్టే విష‌యంపై చ‌ర్చిస్తామ‌ని చెప్పారు. ఇలా.. ప‌లువురు కీల‌క దిగ్గ‌జ పారిశ్రామిక వేత్త‌లు చంద్ర‌బాబును కొనియాడ‌డంతోపాటు ఏపీలో పెట్టుబ‌డులు పెట్టేందుకు ముందుకు రావ‌డం గ‌మ‌నార్హం. ప్ర‌స్తుతం విశాఖ వేదిక‌గా జ‌రుగుతున్న భాగ‌స్వామ్య స‌ద‌స్సులో ప‌లువురు ఒప్పందాలు చేసుకున్నారు.

Tags
CBN Andhra Pradesh TDP Ap Politics CM Chandrababu Chandrababu Naidu
Recent Comments
Leave a Comment

Related News