గ్రేటర్ పోరుకు ముందే కేసీఆర్ ఫుల్ యాక్షన్..!

admin
Published by Admin — November 15, 2025 in Politics, Telangana
News Image

2023 అసెంబ్లీ ఎన్నికల్లో వచ్చిన భారీ ఎదురుదెబ్బ నుంచి ఇప్పటి జూబ్లీహిల్స్ ఉపఎన్నిక వరకూ బీఆర్‌ఎస్‌ వరుసగా కష్టాలనే ఎదుర్కొంటోంది. ప్రతి ఎన్నికలో ఓటర్లతో కనెక్ట్ కోల్పోతుండ‌టంతో గులాబీ దళపతి కేసీఆర్ స్వయంగా రంగంలోకి దిగినట్టు తెలుస్తోంది. పార్టీని పునర్వ్యవస్థీకరించకపోతే పరిస్థితి మరింత దిగజారిపోయే ప్రమాదం ఉందని భావించిన కేసీఆర్, సమూల మార్పులకు సిద్ధమయ్యారని గుసగుసలు వినిపిస్తున్నాయి.

ఇప్పటి వరకు అడ్‌హాక్ కమిటీలతోనే పార్టీ నడుస్తుండగా, ఇప్పుడు రాష్ట్ర స్థాయి వరకు కొత్త నాయకత్వాన్ని ఏర్పాటు చేయనున్నట్టు వార్తలు వినిపిస్తున్నాయి. గ్రేటర్ హైదరాబాద్ మున్సిపల్ కార్పొరేషన్ ఎన్నికలు దగ్గరపడుతున్న త‌రుణంలో బీఆర్‌ఎస్‌కు ఇది డూ ఆర్ డై పరిస్థితి. 2020 జీహెచ్ఎమ్సీ ఎన్నికల్లో సిట్టింగ్ పార్టీగా ఉన్నప్పటికీ భారీగా సీట్లు కోల్పోయిన అనుభవం ఉన్న నేపథ్యంలో, ఈ సారి ఇబ్బంది రాకముందే పార్టీని సరికొత్త రూపంలోకి తీసుకువెళ్లాలని కేసీఆర్ నిర్ణయించినట్టు తెలుస్తోంది.

గ్రౌండ్ లెవెల్‌లో బీఆర్‌ఎస్‌కు ఆదరణ తగ్గిపోవడం కేసీఆర్‌ను తీవ్రంగా ఆలోచింపజేసిన అంశంగా తెలుస్తోంది. ఈ నేపథ్యంలోనే కొత్త నాయకత్వం, కొత్త వ్యూహాలతో పార్టీని మళ్లీ పటిష్టం చేసి గ్రేటర్ ఎన్నికల్లో పునరాగమనం సాధించాలని దళపతి లక్ష్యంగా పెట్టుకున్నారు. అందులో భాగంగా గ్రేట‌ర్ పోరుకు ముందే కేసీఆర్ ఫుల్ యాక్ష‌న్ మోడ్‌లోకి రానున్నార‌ని టాక్‌.

Tags
Greater Hyderabad KCR Telangana News GHMC Jubilee Hills bypoll
Recent Comments
Leave a Comment

Related News