సినీ న‌టుడు, అగ్ర హీరో అక్కినేని నాగార్జున బాంబు పేల్చారు. ఐ బొమ్మ‌, బొప్పం వంటి మాధ్య‌మాల ద్వా రా పైర‌సీ భూతంగా మారి.. సినీ రంగానికి, పోలీసుల‌కు కూడా స‌వాల్ విసిరిన ఇమ్మ‌డి ర‌వి మ‌హా ముదురు అని ఆయ‌న పేర్కొన్నారు. ఆయ‌న కేవ‌లం 20 కోట్ల రూపాయ‌ల‌ కోసం ఈ వ్య‌వ‌హారం న‌డిపించాడంటే.. న‌మ్మ‌శ‌క్యంగా లేద‌న్నారు. దీని వెనుక అంత‌ర్జాతీయ ముఠా ఉంద‌న్న విష‌యం స్ప‌ష్టంగా తెలుస్తోంద‌ని చెప్పారు. అమెరికా స‌హా ఇత‌ర దేశాల్లో నెట్ వ‌ర్క్‌ను ఏర్పాటు చేసుకున్నాడంటే.. అక్క‌డ ఎంత మందితో చేతులు క‌లిపి ఉంటాడో అర్ధం చేసుకోవ‌చ్చ‌న్నారు.

అంతేకాదు.. త‌న పైర‌సీ సినిమాల ద్వారా 20 కోట్లు సంపాయించుకుని.. 50 ల‌క్ష‌ల మంది స‌బ్ స్క్రైబ‌ర్ల డే టాను అత‌ను త‌న‌వ ద్ద పెట్టుకున్నాడ‌ని.. కానీ, ఇది ఆయ‌న వ‌ద్దే కాకుండా అంత‌ర్జాతీయ ముఠాకు కూడా చేరి ఉంటుంద‌ని నాగార్జున చెప్పారు. ఇది దేశానికే ప్ర‌మాద‌క‌ర‌మ‌ని వ్యాఖ్యానించారు. ఏమైనా జ‌ర‌గ‌వ‌చ్చ ని చెప్పారు. అయితే.. ప్ర‌స్తుతం ర‌వి పోలీసుల అదుపులో ఉన్న నేప‌థ్యంలో ఆయా విష‌యాల‌పై కూడా దృష్టి పెట్టి వివ‌రాలు రాబ‌ట్టాల‌ని తాను పోలీసుల‌కు చెప్పిన‌ట్టు నాగార్జున వెల్ల‌డించారు.

ఇక‌, డిజిట‌ల్ అరెస్టుల‌పై నాగార్జున మ‌రో సంచ‌ల‌న విష‌యాన్ని చెప్పారు. త‌న కుటుంబం కూడా డిజిట ల్ అరెస్టుల బాధిత ఫ్యామిలీనేన‌ని తెలిపారు. రెండు మూడు రోజుల పాటు త‌న కుటుంబంలో ఒక‌రిని డిజిట‌ల్ అరెస్టు చేశార‌ని.. అయితే.. పోలీసుల‌ను ఆశ్ర‌యించే లోగా వారు క‌నుమ‌రుగ‌య్యార‌ని తెలిపారు. ప్ర‌జ‌లు అప్ర‌మ‌త్తంగా ఉండాల‌ని నాగార్జున సూచించారు. డిజిట‌ల్ అరెస్టుల ప‌ట్ల అప్ర‌మ‌త్తంగా ఉండాల‌నితెలిపారు. పైర‌సీ భూతానికి లోను కావ‌ద్ద‌ని నాగార్జున చెప్పారు. కొన్ని వేల మంది జీవితాలు.. సినీ రంగంతో ముడిప‌డి ఉన్నాయ‌న్నారు.

ఇదిలావుంటే.. తాజాగా కేంద్రం వెల్ల‌డించిన వివ‌రాల‌ప్ర‌కారం.. డిజిట‌ల్ అరెస్టుల కార‌ణంగా.. ఇప్ప‌టి వ‌ర‌కు 32 కోట్ల రూపాయ‌ల‌ను సైబ‌ర్ దొంగ‌లు దోచుకున్నారు. వీటిలో కేవ‌లం 5-10 ల‌క్ష‌ల రూపాయ‌లు మాత్ర‌మే రిక‌వ‌రీ అయిన‌ట్టు తెలిసింది. డిజిట‌ల్ అరెస్టుల ప‌ట్ల అప్ర‌మ‌త్తంగా ఉండాల‌ని కేంద్రం కూడా సూచించింది. ఎలాంటి ఇబ్బంది వ‌చ్చినా.. పోలీసుల‌ను సంప్ర‌దించాల‌ని కోరింది.