ఏపీ సీఎం చంద్ర‌బాబు అరుదైన రికార్డును సొంతం చేసుకున్నారు. అయితే.. ఇది ఎవ‌రో.. ఏదో సంస్థ నుం చో అందిన రివార్డు కాదు.. అవార్డు కూడా కాదు. కానీ.. రాష్ట్ర పారిశ్రామిక‌, రాజకీయ దిగ్గ‌జాల నుంచి వ‌స్తు న్న టాక్‌. ``చంద్ర‌బాబు రికార్డు క్రియేట్ చేశారు`` అంటూ.. ప్ర‌ముఖ పారిశ్రామిక వేత్త‌లు భావిస్తున్నారు. ఇదే విష‌యాన్ని వారు మీడియాకు కూడా చెబుతున్నారు. దీనికి కార‌ణం.. ప్ర‌స్తుతం వ‌చ్చిన పెట్టుబ‌డులే న‌ని వారు తెలిపారు. విశాఖ‌లో తాజాగా ముగిసిన పెట్టుబ‌డుల స‌దస్సులో 13 ల‌క్ష‌ల కోట్ల రూపాయ‌ల‌కు పైగా పెట్టుబ‌డులు వ‌చ్చాయి.

ఇవ‌న్నీ గ్రౌండ్ అయ్యేవేన‌ని.. దీనిలో ఎలాంటి సందేహం లేద‌ని రాష్ట్రానికి చెందిన పారిశ్రామిక వేత్త‌లు చెబుతున్నారు. వీటిలోనూ రేమాండ్స్ స‌హా కొన్ని సంస్థ‌లు వ‌ర్చువ‌ల్‌గా ప్రారంభోత్స‌వాలు కూడా జ‌రిగిన విష‌యాన్ని ప్ర‌స్తావిస్తున్నారు. ఇక‌, ఇత‌ర వాటిలో లులూ, ఇన్ఫోసిస్ , రిల‌య‌న్స్ వంటివి కూడా త్వ‌ర‌లోనే రానున్నాయ‌ని చెబుతున్నారు. ఇలా.. పెట్టుబడుల‌ను ఇంత భారీ ఎత్తున సాధించ‌డం ఒక ఎత్త‌యితే.. మ‌రోవైపు.. అవ‌న్నీ గ్రౌండ్ అయ్యేలా చంద్ర‌బాబు చేస్తాన‌ని చెప్ప‌డం మ‌రో రికార్డేన‌ని అంటున్నారు.

``స‌హ‌జంగా ఒప్పందాలు చేసుకున్నాక‌.. స‌ద‌రు కంపెనీలు వెంట‌బ‌డాల్సి ఉంటుంది. కానీ, ఏపీలో మా త్రం దీనికి రివ‌ర్స్‌లో సీఎం, మంత్రులు కూడా పెట్టుబ‌డులను ఉద్దేశించిన కంపెనీల‌ను తీసుకువచ్చేం దుకు బాధ్య‌త తీసుకున్నారు. ఇది మంచి ప‌రిణామం. అంతేకాదు.. ఇలా గ‌తంలో ఏ రాష్ట్రంలోనూ జ‌ర‌గ‌లేదు. సో.. పెట్టుబ‌డులు గ్రౌండ్ అయితే..  ఇది చంద్ర‌బాబు అరుదైన రికార్డుగా నిలుస్తుంది. `` అని విజ‌య‌వాడ‌కు చెందిన ఓ కీల‌క పారిశ్రామిక వేత్త‌.. బీజేపీ నేత కూడా అయిన వ్య‌క్తి వ్యాఖ్యానించారు.

ఇదే విష‌యాన్ని ప‌లువురు కీల‌క పారిశ్రామిక వేత్త‌లు కూడా చెప్పుకొచ్చారు. చంద్ర‌బాబు విజ‌న్ అంద‌రినీ ఆక‌ర్షించింద‌ని కూడా చెబుతున్నారు. ఇక‌, అమెరికాకు చెందిన కొంద‌రు పారిశ్రామిక వేత్త‌లు, స‌ల‌హాదారు లు  కూడా ఇదే అభిప్రాయం వ్య‌క్తం చేశారు. చంద్ర‌బాబు విజ‌న్ రాష్ట్రానికి మేలు చేస్తుంద‌ని కొంద‌రు చెబితే.. ఇది దేశానికి ఎంతో ఉప‌యుక్తంగా ఉంటుంద‌ని మ‌రికొంద‌రు తెలిపారు. ఇలా.. చంద్ర‌బాబు పెట్టుబ‌డులు.. ఆయ‌న విజ‌న్‌కు సంబంధించి ప్ర‌ముఖులు వ్యాఖ్యానించ‌డం అరుదైన రికార్డేన‌ని అంటున్నారు.