అభిమాన హీరోల‌ను చూసేందుకు వెళ్లి తిరిగిరాని లోకాల‌కు వెళ్లిపోవ‌డంతో మ‌ణికంఠ‌, చ‌ర‌ణ్ కుటుంబాలు తీవ్ర విషాదంలో మునిగిపోయాయి. ఈ విష‌యం తెలుసుకున్న ప్రొడ్యూస‌ర్ దిల్ రాజు వెంట‌నే స్పందించారు. అభిమానుల మృతి పట్ల తీవ్ర దిగ్భ్రాంతి వ్యక్తం చేశారు. గేమ్ ఛేంజర్ ప్రీ రిలీజ్ ఈవెంట్ ఎంతో ఘనంగా జరిగిందన్న సంతోషంలో ఉన్న సమయంలో ఇలా జరగడం ఎంతో బాధాకరమ‌న్నారు. మ‌ణికంఠ‌, చ‌ర‌ణ్ కుటుంబాలకు తాను అండంగా ఉంటాన‌ని, తన వంతుగా వారి కుటుంబాల‌కు చెరో రూ. 5 ల‌క్ష‌లు ఆర్థిక స‌హాయాన్ని అందిస్తాన‌ని దిల్ రాజు ప్ర‌క‌టించారు. బాధిత కుటుంబాల‌కు దిల్ రాజు ప్ర‌గాఢ సానుభూతిని తెలిపారు.