కాగా, టీడీపీకి కోటి సభ్యత్వాలు చేయించిన లోకేశ్ ను డిప్యూటీ సీఎం చేయాలని, ఆయన ఆ పదవికి 100శాతం అర్హులని పిఠాపురం టీడీపీ నేత, మాజీ ఎమ్మెల్యే ఎస్వీఎస్‌ఎన్‌ వర్మ అన్న సంగతి తెలిసిందే. టీడీపీకి భవిష్యత్తు లేదన్న వారికి ‘యువగళం’తో లోకేశ్ సమాధానమిచ్చారని అన్నారు. ఎవరి పార్టీ కార్యకర్తల మనోభావాలు వారికి ఉంటాయని చెప్పారు.

ఇక, లోకేశ్ ను డిప్యూటీ సీఎం చేయాలని టీడీపీ కేడర్ కోరుకోవడంలో తప్పు లేదని తిరుపతి జనసేన ఇన్‌ఛార్జ్ కిరణ్ రాయల్‌ అన్నారు. అయితే, తాము కూడా పవన్ కల్యాణ్‌ ఏపీ సీఎంగా చూడాలని పదేళ్లుగా ఎదురుచూస్తున్నామని చెప్పారు. పవన్ సీఎం కావాలని బడుగు బలహీన వర్గాలన్నీ కోరుకుంటున్నాయని అన్నారు. ఇలా, టీడీపీ..జనసేన నేతల మధ్య అభిప్రాయలు వెలువుడుతున్న నేపథ్యంలోనే టీడీపీ హై కమాండ్ తాజాగా ఆ ప్రకటన చేసింది.