మరోవైపు లోకేష్ గత ఐదేళ్లలో ఎంతో మెరుగుపడ్డాడు. తెలుగులో అయినా, ఇంగ్లిష్‌లో అయినా అనర్గళంగా మాట్లాడుతున్నాడు. ఇతడిలో ఇంత విషయ పరిజ్ఞానం ఉందా అనిపించేలా చేస్తున్నాడు. ప్రస్తుతం దావోస్‌లో జరుగుతున్న పారిశ్రామికవేత్తల సదస్సునే తీసుకుంటే.. అక్కడ ప్రతినిధులతో లోకేష్ సంభాషిస్తున్న తీరు.. సమావేశాల్లో ప్రసంగాలు చూస్తే షాకవ్వక మానరు. ఐటీకి సంబంధించిన విషయాలపై లోకేష్ ఏమాత్రం తడబాటు లేకుండా మాట్లాడుతున్నాడు.

ఆయన ప్రసంగాలు సూపర్ హిట్ అయిపోతున్నాయి. కానీ జగన్ హయాంలో ఆయనతో పాటు ఒక ప్రతినిధుల బృందం దావోస్‌కు వెళ్లినపుడు ఏం జరిగిందో కూడా ఒకసారి గుర్తు చేసుకోవాలి. ఒక సమావేశంలో ఓ ప్రతినిధి ఓ అంశం మీద మాట్లాడి.. దాని మీద అభిప్రాయం చెప్పమని జగన్‌ వైపు చూశారు. కానీ జగన్ మాత్రం తనకేం సంబంధం లేదన్నట్లు దిక్కులు చూశాడు. ఇప్పుడు మీరే మాట్లాడాలి అన్నట్లు సైగ చేస్తే.. ‘ఇట్స్ ఎ లెంగ్తీ క్వశ్చన్’ అంటూ నవ్వేసి పొడి పొడిగా సంబంధం లేని సమాధానం చెప్పారు.