ఉదాహ‌ర‌ణ‌కు.. తాజా ప‌రిణామాల‌ను గ‌మ‌నిస్తే.. సీఎం చంద్ర‌బాబు , మంత్రులు నారా లోకేష్‌, భ‌ర‌త్‌లు దావోస్ ప‌ర్య‌ట‌న‌కు వెళ్లారు. వీరిలో జ‌న‌సేన నుంచి కానీ, బీజేపీ నుంచి కానీ మంత్రులు ఎవ‌రు లేరు. ఈ విష‌యం సోష‌ల్ మీడియాలో తీవ్ర‌స్థాయిలో ట్రోల్ అవుతోంది. పేరు పెట్ట‌కుండానే ప్ర‌భుత్వ భాగ‌స్వామ్య పార్టీల పై పెద్ద ఎత్తున జోకులు పేలుతున్నాయి. దీని వెనుక ఎవ‌రు ఉన్నార‌న్న విష‌యంపైనా రాజ‌కీయ మే జ‌రుగుతోంది. ప్ర‌తిప‌క్ష వైసీపీ పాప‌మేన‌ని టీడీపీ నేత‌లు వ్యాఖ్యానిస్తున్నారు.

కూట‌మిలో చిచ్చు పెట్టాల‌న్న ఉద్దేశంతోనే ఇలా వైసీపీ ట్రోల్ చేస్తోంద‌న్న చ‌ర్చ సాగుతోంది. కానీ, వైసీపీ నేత‌ల‌ను ప‌ల‌క‌రిస్తే.. త‌మ‌కు ఏం సంబంధ‌మ‌ని ప్ర‌శ్నిస్తున్నారు. కూట‌మి పార్టీల్లోనే ఆధిప‌త్య రాజ‌కీయా లు సాగుతున్నాయ‌ని.. అందుకే ఒక‌రిపై ఒక‌రు విమ‌ర్శ‌లు, ట్రోల్స్ చేసుకుని ఆ నెపాన్ని త‌మ‌పై నెడుతు న్నారన్న వాద‌న వినిపిస్తోంది. ఇప్ప‌టికైతే.. ప్ర‌స్తుతం దావోస్ ప‌ర్య‌ట‌న‌లో జ‌న‌సేన పాల్గొనక పోవడంపై జ‌రుగుతున్న ట్రోల్స్ వ్య‌వ‌హారం.. పీక్స్‌కు చేరింది. దీనిపై జ‌న‌సేన ఆగ్ర‌హంతో ఉండ‌గా.. టీడీపీ నేత‌లు ఆ త‌ప్పు త‌మ‌ది కాద‌ని.. వైసీపీ పాప‌మేన‌ని చెబుతున్నారు.