ఇంతకూ చంద్రబాబు ఏమన్నారంటే.. ‘‘చుట్టూ ఉన్న పరిస్థితుల వల్ల అవకాశాలు వస్తుంటాయి. వాటిని ఎవరైనా అందిపుచ్చుకుంటేనే రాణిస్తారు. నేనెప్పుడూ జీవనోపాధి కోసం రాజకీయాల మీద ఆధారపడలేదు. 33 ఏళ్ల క్రితమే కుటుంబ వ్యాపారాన్ని ప్రారంభించాం. ఆ వ్యాపారానికి అయితే లోకేశ్ కు చాలా తేలికైన పని. కానీ.. ఆయన ప్రజలకు సేవ చేయాలనే ఆలోచనతో రాజకీయాల్లోకి వచ్చారు. అందులోసంత్రప్తి పొందుతున్నారు. ఇందులో వారసత్వం అంటూ ఏమీ లేదు’’ అని వ్యాఖ్యానించారు.

ఈ సందర్భంగా ప్రధాని నరేంద్ర మోడీపై ప్రశంసల వర్షం కురిపించారు. గుజరాత్ లో ఐదుసార్లు వరుసగా బీజేపీ గెలిచిందని.. దీంతో డెవలప్ మెంట్.. సంక్షేమం పెద్ద ఎత్తున జరిగిందన్నారు. నరేంద్ర మోడీ నాలుగోసారి ప్రధాని అవుతారన్న ఆకాంక్షను వ్యక్తం చేశారు. సుస్థిర ప్రభుత్వంతోనే డెవలప్ మెంట్ సాధ్యమవుతుందన్నారు. గత ఎన్నికల్లో 93 శాతం స్ట్రైక్ రేట్ తో ఎన్నడూ లేని గెలుపును సాధించామని.. ఆ స్ఫూర్తితోనే ఇప్పుడు ఏపీలో పరిశ్రమల్ని పెట్టేందుకు పారిశ్రామికవేత్తల్ని ఒప్పిస్తున్నట్లుగా పేర్కొన్నారు.