జగన్ దెబ్బకు ఏపీ రాజధాని అమరావతి నిర్మాణం అటకెక్కిన సంగతి తెలిసిందే. చంద్రబాబు హయాంలో మొదలుబెట్టి సగం పూర్తయిన నిర్మాణాలు జగన్ అధికారంలోకి వచ్చిన తర్వాత ఆగిపోయాయి. ఈ నేపథ్యంలోనే జగన్ ఓటమి తర్వాత చంద్రబాబు సీఎం కాగానే అమరావతి రాజధాని నిర్మాణ పనులు రీస్టార్ట్ అయ్యాయి. సీఆర్డీఏ అథారిటీ బిల్డింగ్ పనులు పున:ప్రారంభించడంతో అమరావతి రీస్టార్ట్ బటన్ ను చంద్రబాబు నొక్కారు. ఈ క్రమంలోనే అమరావతి నిర్మాణ పనులను పరుగులు పెట్టించాలన్న లక్ష్యంతో ప్రభుత్వం కృత నిశ్చయంతో ఉంది. రాబోయే మూడేళ్లలో అమరావతి నిర్మాణ పనులు పూర్తి చేస్తామని మంత్రి నారాయణ తాజాగా ప్రకటించారు.