ఆంధ్రప్రదేశ్ కాంగ్రెస్ కమిటీ అధ్యక్షురాలు వైఎస్ షర్మిల(YS Sharmila) ఇంట ప్రస్తుతం పెళ్లి సందడి తారాస్థాయికి చేరింది. హైదరాబాద్ శివారులోని కొత్వాల్‌గూడలో ఆమె కుమార్తె అంజలీ రెడ్డి నిశ్చితార్థ వేడుక అత్యంత వైభవంగా జరిగింది. తెలంగాణ ముఖ్యమంత్రి రేవంత్ రెడ్డి దంపతులు, డిప్యూటీ సీఎం మల్లు భట్టివిక్రమార్క, శాసనసభ స్పీకర్ గడ్డం ప్రసాద్‌తో పాటు ఇరు రాష్ట్రాల ప్రముఖ రాజకీయ నాయకులు ఈ వేడుకకు హాజరై నూతన వధూవరులను ఆశీర్వదించారు.

అయితే, ఈ వేడుకకు హాజరైన ప్రముఖుల జాబితా కంటే, గైర్హాజరైన ఒక్క వ్యక్తి గురించే ఇప్పుడు రాజకీయ వర్గాల్లో తీవ్ర చర్చ జరుగుతోంది. రక్తసంబంధం ఉన్న సొంత మేనమామ, మాజీ సీఎం వైఎస్ జగన్ మోహన్ రెడ్డి(YS Jagan Mohan Reddy) ఈ వేడుకకు రాకపోవడం సర్వత్రా విస్మయాన్ని కలిగిస్తోంది. కుటుంబంలో విభేదాలు ఏ స్థాయికి చేరాయో చెప్పడానికి ఈ ఒక్క ఘటనే నిదర్శనమంటూ సోషల్ మీడియాలో పెద్ద ఎత్తున కామెంట్లు వ్యూహం అవుతున్నాయి.

తెలుగు సంప్రదాయం ప్రకారం ఇంటి ఆడపడుచు పిల్లల శుభకార్యాలకు రాజకీయాలు, మనస్పర్థలను పక్కనబెట్టి పెద్ద దిక్కులా వ్యవహరించడం ఆనవాయితీ. తెలంగాణ(Telangana) సీఎం స్వయంగా వచ్చి ఆశీర్వదించిన చోట, సొంత మేనమామ కనీసం ఆ దరిదాపుల్లోకి కూడా వెళ్లకపోవడం ఆయన కఠిన వైఖరిని ఎత్తిచూపుతోందని విశ్లేషకులు అభిప్రాయపడుతున్నారు. కుటుంబ బంధాల కంటే పంతాలకే ఎక్కువ ప్రాధాన్యత ఇస్తున్నారనే విమర్శలు వైఎస్ జగన్ వైపు నుంచి గట్టిగానే వినిపిస్తున్నాయి.

మరోవైపు, షర్మిల మాత్రం తన కుమార్తె వివాహ వేడుకలను అత్యంత ఘనంగా నిర్వహించేందుకు ఏర్పాట్లు వేగవంతం చేశారు. సెప్టెంబర్ 24న ఎంగేజ్మెంట్ పూర్తి కాగా, నవంబర్ 25న వివాహం, డిసెంబర్ 5న రిసెప్షన్ జరగనున్నట్లు ఆమె ఇప్పటికే ప్రకటించారు. డాక్టర్‌గా ఉన్న సోమల రఘురామ్ రెడ్డితో అంజలీ రెడ్డి(Anjali Reddy) వివాహం అట్టహాసంగా జరగనుండగా, కుటుంబ దూరం మాత్రం ఈ వేడుకల వేళ మరోసారి బహిర్గతమై హాట్ టాపిక్‌గా మారింది.