భగవద్గీతలతో బొజ్జ గ‌ణ‌ప‌య్య‌.. చూడ‌డానికి రెండు క‌ళ్లు చాల‌వు!

admin
Published by Admin — August 27, 2025 in National
News Image

దేశ‌వ్యాప్తంగా వినాయక చవితి ఉత్స‌వాలు నేడు ఘ‌నంగా ప్రారంభం అయ్యాయి. వినాయ‌క చ‌వితి అంటే మనకు ముందుకు గుర్తొచ్చేది గణపతి విగ్రహాల అద్భుత శిల్పకళ. ప్రతి ఏడాది విగ్రహాల్లో కొత్త డిజైన్లు, కొత్త థీమ్స్ కనిపిస్తుంటాయి. ఈ ఏడాది కూడా భ‌క్తులు వినూత్న రూపాల్లో గణనాథుడిని ప్రతిష్ఠించి తమ భక్తిని చాటుకుంటున్నారు. ఈ క్ర‌మంలోనే చెన్నైలో ఏర్పాటు చేసిన ఓ వినూత్న గణేశుడి విగ్రహం అందరి దృష్టినీ తనవైపు తిప్పుకుంటోంది.

భారతీయ ఆధ్యాత్మిక సంపదలో అపూర్వమైన స్థానం సంపాదించుకున్న పవిత్ర గ్రంథం భగవద్గీత పుస్తకాల‌తో బొజ్జ గణ‌ప‌య్య‌ను రూపొందించారు. చెన్నైలోని మన్నాలి ప్రాంతంలో ఏర్పాటు చేసిన ఓ మండపంలో ఈ అరుదైన వినాయ‌కుడు కొలువుదీరాడు. ఈ అద్భుత విగ్రహం తయారీ కోసం ఏకంగా 5 వేల భగవద్గీత పుస్త‌కాల‌ను వినియోగించారు.

అలాగే 1500 `వేల్ విరుతం` మరియు 1008 `మురుగన్ కవాసం` పుస్తకాలతో సహా మొత్తం 7500 పవిత్ర గ్రంథాలతో గణపతి విగ్రహాన్ని రూపొందించి నిర్వాహకులు తమ ప్రత్యేకతను చాటుకున్నారు. అత్యంత ప‌విత్ర‌మైన ఈ గణనాథుడిని చూసేందుకు భక్తులు, సందర్శకుల‌కు రెండు క‌ళ్లు చాల‌డం లేదు. భ‌క్తి మాత్ర‌మే కాదు విగ్ర‌హం రూపకల్పనలోని సృజనాత్మకత కూడా అందరినీ ఆకట్టుకుంటుంది. భక్తులలో ఆధ్యాత్మిక చైతన్యం పెంచే విధంగా బొజ్జ గ‌ణ‌ప‌య్య ఉన్నాడ‌ని నెటిజ‌న్లు అభిప్రాయ‌ప‌డుతున్నారు.

 

#WATCH | Chennai, Tamil Nadu | A Ganesh Idol in the Mannali area is made using 7500 books, including 5000 Bhagavad Gita, 1500 Vel Virutham and 1008 Murugan Kavasam books#GaneshChaturthi pic.twitter.com/xxRSQAveAi

— ANI (@ANI) August 27, 2025 ">

 

Tags
Chennai Tamil Nadu Ganesh Idol Mannali Bhagavad Gita Ganesh Chaturthi 2025
Recent Comments
Leave a Comment

Related News