న్యాచుర‌ల్ స్టార్ నాని న‌టుడిగా, నిర్మాత‌గా మ‌రో విజ‌యాన్ని ఖాతాలో వేస్తున్నాడు. హిట్ యూనివ‌ర్స్ లో భాగంగా ఇటీవ‌ల విడుద‌లైన `హిట్ 3` చిత్రం బాక్సాఫీస్ వ‌ద్ద మాస్ ర్యాంపేజ్ సృష్టించి కేవ‌లం ఆరు రోజుల్లోనే బ్రేక్ ఈవెన్ అయింది. మొద‌ట మిక్స్డ్ టాక్ తెచ్చుకున్న ఈ క్రైమ్ థ్రిల్ల‌ర్ క్ర‌మంగా ప్రేక్ష‌కుల‌ను ఆకర్షించింది. ప్ర‌మోష‌న్స్ కూడా బాగా వ‌ర్కోట్ కావ‌డంతో.. హిట్ 3 లాభాల బాట ప‌ట్టేసింది.

ఆరు రోజుల థియేట్రిక‌ల్ ర‌న్ ముగిసే స‌మ‌యానికి ఏపీ మ‌రియు తెలంగాణ‌లో హిట్ 3 చిత్రం రూ. 32.34 కోట్ల షేర్‌, రూ. 56.55 కోట్ల గ్రాస్ క‌లెక్ష‌న్స్ ను కొల్ల‌గొట్టింది. ఓవ‌ర్సీస్ లో దాదాపుగా రూ. 11.60 కోట్లు వ‌సూల్ చేసింది. వ‌ర‌ల్డ్ వైడ్ గా ఆరు రోజుల్లో ఈ సినిమాకు రూ. 51.54 కోట్ల షేర్‌, రూ. 97.65 కోట్ల గ్రాస్ క‌లెక్ష‌న్స్ వ‌చ్చాయి. విడుద‌ల‌కు ముందు హిట్ 3 సినిమాకు రూ. 48.90 కోట్ల రేంజ్ లో ప్రీ రిలీజ్ బిజినెస్ జ‌రిగింది. బ్రేక్ ఈవెన్ టార్గెట్ రూ. 50 కోట్లు.

అయితే ఈ టార్గెట్ లోను హిట్ 3 సునాయ‌స‌నంగా అందుకుంది. పైగా 6వ రోజు వ‌చ్చిన క‌లెక్ష‌న్స్ తో రూ. 1.54 కోట్ల లాభాల‌ను సొంతం చేసుకుని మ‌రింత జోరుతో ముందుకు సాగుతోంది. కాగా, హిట్: ది థర్డ్ కేస్ లో నాని స‌ర‌స‌న అందాల భామ శ్రీ‌నిధి శెట్టి యాక్ట్ చేసింది. ఆడివి శేష్ అతిథి పాత్ర‌లో మెర‌వ‌గా.. సూర్య శ్రీనివాస్, రావు రమేష్ స‌ముద్ర‌ఖ‌ని త‌దిత‌రు ఇత‌ర ముఖ్య‌మైన పాత్ర‌లు పోషించారు. మిక్కీ జె. మేయర్ సంగీతం అందించారు.