దేశ ప్ర‌ధాని న‌రేంద్ర మోడీని ఉద్దేశించి సీఎం చంద్ర‌బాబు ఆస‌క్తిక‌ర వ్యాఖ్య‌లు చేశారు. `చాయ్ వాలా` ఈ దేశానికి ప్ర‌ధాన‌మంత్రి అయ్యారంటే అది రాజ్యాంగం క‌ల్పించిన అవ‌కాశ‌మ‌ని అన్నారు. ప్ర‌ధాని అయ్యాక మోడీ ఈ దేశాన్ని మున్ముందుకు తీసుకువెళ్తున్నార‌ని చెప్పారు. ఓబీసీ సామాజిక వ‌ర్గానికి చెందిన మోడీ రాజ్యాంగం ఇచ్చిన అవ‌కాశంతోనే ప్ర‌ధాన మంత్రిగా ఎదిగార‌ని తెలిపారు. ఆదివారం 75వ రాజ్యాంగ సంస్మ‌ర‌ణ దినోత్స‌వాన్ని పుర‌స్క‌రించుకుని నిర్వ‌హించిన కార్య‌క్ర‌మంలో ముఖ్య‌మంత్రి పాల్గొన్నారు.

ఈ సంద‌ర్భంగా ఆయ‌న రాజ్యాంగం, విలువ‌లు, ప్ర‌ధాని మోడీ అంశాల‌పై సుదీర్ఘంగా ప్ర‌సంగించారు. 2014కు ముందు దేశం అత్యంత దారుణ ప‌రిస్థితుల‌ను ఎదుర్కొంద‌ని.. అలాంటి ప‌రిస్థితుల‌ను ప్ర‌ధాని మోడీ గాడిలో పెడుతున్నార‌ని చెప్పారు. అప్పట్లో ప్ర‌పంచ ఆర్థిక వ్య‌వ‌స్థ‌లో భార‌త్ 11వ స్థానంలో ఉంటే.. ప్ర‌స్తుతం 4వ స్థానానికి చేరుకున్నామ‌ని తెలిపారు. త్వ‌ర‌లోనే మూడో స్థానానికి ఎదుగుతున్నామ‌ని చెప్పారు. ఇదంతా మోడీ దార్శ‌నిక‌త‌కు అద్దం ప‌డుతుంద‌ని తెలిపారు.

ఇదేస‌మ‌యంలో రాజ్యాంగం ప్ర‌సాదించిన మ‌రో అవ‌కాశం న్యాయ‌వ్య‌వ‌స్థ అని సీఎం చెప్పారు. స‌మాజం , వ్య‌వ‌స్థ‌లు గాడి త‌ప్పుతున్న‌ట్టు భావిస్తున్న ప్ర‌తి సంద‌ర్భంలోనూ న్యాయ వ్య‌వ‌స్థ దేశానికి కాపు కాస్తోంద న్నారు. ఇక‌, రాజ్యాంగం ప్ర‌త్య‌క్షంగా చెప్ప‌క‌పోయినా.. మ‌రో మూల స్థంభం ప‌త్రికా స్వేచ్ఛ అని చంద్ర బాబు తెలిపారు. ప్ర‌జ‌ల‌కు-ప్ర‌భుత్వానికివార‌ధిగా ఈ ప‌త్రికా రంగం ప‌నిచేస్తోంద‌న్నారు. అయితే.. కొంద‌రు ఈ వ్య‌వ‌స్థ‌ను కూడా నాశ‌నం చేస్తున్నార‌ని వ్యాఖ్యానించారు.

ముఖ్యంగా సోష‌ల్ మీడియా వ‌చ్చిన త‌ర్వాత‌.. ప్ర‌తి ఒక్క‌రూ పాత్రికేయులు అయిపోయార‌ని వ్యాఖ్యానించి న చంద్ర‌బాబు దీనిని అడ్డం పెట్టుకుని వికృత చేష్ఠ‌ల‌కు పాల్ప‌డుతున్నార‌ని అన్నారు. వ్య‌క్తులు, ప్ర‌భు త్వాల‌ను టార్గెట్ చేసుకుని.. దుర్మార్గంగా వ్య‌వ‌హ‌రిస్తున్నార‌ని.. దీనిని ఆత్మ ప‌రిశీల‌న చేసుకోవాల్సిన అవ‌స‌రం ఉంద‌ని తెలిపారు. కాగా.. మంగ‌ళ‌గిరిలో జ‌రిగిన ఈ కార్య‌క్ర‌మంలో సుప్రీంకోర్టు ప్ర‌ధాన న్యాయ‌మూర్తి జ‌స్టిస్ గ‌వాయ్ స‌హాప‌లువురు పాల్గొన్నారు.