విశాఖ వేదికగా పెట్టుబడుల సదస్సు వైభవంగా జరుగుతోంది. రెండు రోజులపాటు నిర్వ‌హించాల‌ని నిర్ణయించిన ఈ సదస్సు లో 72 దేశాలకు చెందిన ప్రతినిధులు పాల్గొన్నారు. ఇదే సమయంలో మన దేశం నుంచి అదే విధంగా రాష్ట్రం నుంచి కూడా పలువురు ఔత్సాహిక పారిశ్రామికవేత్తలు పాల్గొని వారి ఆలోచనలు వారి భవిష్యత్తు ప్రణాళికలను ప్రభుత్వానికి చేరవేస్తున్నారు. రాష్ట్ర ప్రభుత్వం కూడా ఇదే ఆశించింది. పెట్టుబడులతో పాటు రాష్ట్రంలో యువతను ఆవిష్కరణ దిశగా నడిపించాలన్న వ్యూహంతోనే ఈ సదస్సును ఏర్పాటు చేసింది.

ఇక ఈ పెట్టుబడుల సదస్సులో పలు అద్భుతాలు కూడా చోటుచేసుకున్నాయి. కొంతమంది పారిశ్రామికవేత్తలు ఒప్పందం చేసుకోవడమే కాదు అప్పటికప్పుడు తమ ప్రణాళికలను ముఖ్యమంత్రికి వివరించడంతోపాటు కొన్ని సంస్థలు వర్చువల్ గా శంకుస్థాపనలు ప్రారంభోత్సవాలు కూడా చేయడం ఈ పెట్టుబడుల సదస్సులో ఆకర్షణగా మారింది. వీటిలో డ్రోన్ ఇండస్ట్రీకి సంబంధించి శంకుస్థాపనలు జరిగాయి. అదే విధంగా రైమాండ్స్‌ సంస్థకు సంబంధించి కూడా వర్చువల్ గా ముఖ్యమంత్రి శంకుస్థాపన చేశారు.

మరోవైపు పెట్టుబడి సదస్సుకు వచ్చిన వారు సీఎం చంద్రబాబు విజన్ ప్రశంసించడంతోపాటు ఏపీకి ఉన్న అవకాశాలు ఏపీకి ఉన్న సౌకర్యాలు మౌలిక సదుపాయాలు యువత విద్యారంగం వంటి వాటిని ప్రశంసించడంతోపాటు ఆయా రంగాల్లో పెట్టుబడులు పెట్టేందుకు సుముఖత వ్యక్తం చేయడం మరింత విశేషం. వాస్తవానికి పెట్టుబడుల సదస్సులో గతంలో చేసుకున్న ఒప్పందాలను సాకారం చేసుకుందామన్నది రాష్ట్ర ప్రభుత్వం ఉద్దేశం. ఇది సాకారం కావడంతో పాటు కొత్తగా పెట్టుబడులు కూడా వచ్చాయి. వీటితోపాటు రాష్ట్రంలో యువత ఎక్కువగా స్పందించటం చంద్రబాబును అదేవిధంగా మంత్రి నారా లోకేష్ ను కూడా చాలా ఆనందానికి గురిచేసిందని చెప్పాలి.

సహజంగా పెట్టుబడుల సదస్సు అంటే ఉన్నత స్థాయి పరిశ్రమకు వేత్తలు, విదేశీ పారిశ్రామికవేత్తలు పెట్టుబడులు పెట్టేందుకు వస్తారని అనుకుంటారు. కానీ ఈ సదస్సులో విశాఖపట్నం కి చెందిన యువత కర్నూలుకు చెందిన ఒక యువతి కూడా తమ ఆలోచనను పంచుకున్నారు. తాము కూడా చిన్నపాటి పెట్టుబడులు పెట్టేందుకు ముందుకు వచ్చారు. ఇట్లా పెట్టుబడుల సదస్సులో కేవలం పారిశ్రామికవేత్తలే కాకుండా రాష్ట్ర యువత దేశంలో యువత కూడా రావడం అప్పటికప్పుడు ముఖ్యమంత్రికి తమ ఆవిష్కరణలు వివరించటం వంటివి అద్భుతాలుగా మారాయనే చెప్పాలి. ఇది భవిష్యత్తులో రాష్ట్రానికి మరింత మేలు చేస్తుంది అన్నది చంద్రబాబు ఆలోచన.