బిల్ గేట్స్ ను తొలిసారిగా 1995లో కలిసినప్పుడు ఐటీ గురించి చర్చించామని, ఇప్పుడు 2025లో మరోసారి గేట్స్ ను కలిసినప్పుడు ఏఐ (ఆర్టిఫిషియల్ ఇంటెలిజెన్స్) అంశంపై చర్చించామని చంద్రబాబు అన్నారు. ఎన్నో సంవత్సరాల తర్వాత బిల్ గేట్స్ ను మళ్లీ కలవడం సంతోషం కలిగించిందని చంద్రబాబు చెప్పారు.

చంద్రబాబు, గేట్స్ భేటీలో మంత్రి లోకేశ్ కూడా పాల్గొన్నారు. ఏపీలో ఏర్పాటు చేయబోతున్న వరల్డ్ క్లాస్ ఏఐ యూనివర్సిటీ సలహామండలిలో భాగస్వామ్యం కావాలని, సెంటర్ ఆఫ్ ఎక్సలెన్స్ ఫర్ హెల్త్ ఇన్నోవేషన్ అండ్ డయాగ్నోస్టిక్స్‌ ఏర్పాటుకు బిల్ మిలిందా గేట్స్ ఫౌండేషన్ తరపున ఏపీ ప్రభుత్వంతో భాగస్వామ్యం వహించాలని బిల్ గేట్స్ ను మంత్రి నారా లోకేశ్ కోరారు.

ఆ ప్రతిపాదనపై బిల్ గేట్స్ స్పందించారు. విజనరీ లీడర్ చంద్రబాబును చాలాకాలం తర్వాత కలవడం ఆనందంగా ఉందని అన్నారు. ఏపీ ప్రభుత్వ ప్రతిపాదనలపై సహచరులతో చర్చించి నిర్ణయం తీసుకుంటామని బిల్ గేట్స్ చెప్పారు. 1998లో మాదిరిగానే 2025లో బాబు మీట్స్ గేట్స్…హిస్టరీ రిపీట్స్…అంటూ సోషల్ మీడియాలో నెటిజన్లు కామెంట్లు పెడుతున్నారు.