వాస్తవానికి గత ఏడాది అక్టోబరులో అమరావతికి హడ్కో కేటాయించిన రూ.11 వేల కోట్ల నిధుల విడుదల గురించి హడ్కో సీఎండీ సంజయ్ కుల శ్రేష్టతో నారాయణ భేటీ అయ్యారు. హడ్కో నుంచి రుణం పొందేందుకు ఏపీ ప్రభుత్వం చేస్తున్న ప్రయత్నాలు, నిధుల వినియోగం గురించి వివరించారు. ఈ క్రమంలోనే తాజాగా ముంబయిలో జరిగిన హడ్కో బోర్డు సమావేశంలో ఆ నిధుల విడుదలకు ఆమోదం లభించింది. ఈ నిధులతో అమరావతి నిర్మాణ పనులు శరవేగంగా పూర్తి కాబోతున్నాయని నారాయణ ఆశాభావం వ్యక్తం చేశారు.