దావోస్ కు హాజరవుతున్న వారిలో తానే సీనియర్ నని.. తొలిసారి 1997లో వచ్చినట్లుగా చంద్రబాబు.. ‘‘అప్పట్లో పోటీ ఒకరిద్దరు కేంద్ర మంత్రుుల.. ఒకటి.. రెండు రాష్ట్రాల ఆర్థిక మంత్రులుమాత్రమే వచ్చేవారు. తర్వాత పోటీ పెరిగి.. పలు రాష్ట్రాల ముఖ్యమంత్రులు.. కేంద్రమంత్రులు హాజరవుతున్నారు. ఈసారి అద్భుతమైన ఆహ్వానం లభించింది. భారత టీంకు అత్యుత్తమ గుర్తింపు లభించింది. దావోస్ లో తొలిసారి నేను టీమిండియాను చూస్తున్నా. మేం వేర్వేరు రాజకీయ పార్టీలకు చెందిన వారిమైనప్పటికీ ఇండియా ఫస్ట్.. అవర్ పీపుల్ ఫస్ట నినాదంతో ఉన్నాం’ అంటూ చంద్రబాబు చేసిన వ్యాఖ్యలు ముచ్చట పడేలా ఉన్నాయని చెప్పొచ్చు.

ఇదంతా ఒక ఎత్తు అయితే.. తనకు అవకాశం లభించిన ప్రతిసారీ ప్రధాని నరేంద్ర మోడీని అదే పనిగా పొగిడే చంద్రబాబు.. ఈసారి అదే తీరును ప్రదర్శించారు. పటిష్టమైన విధానాలతో పాటు నరేంద్ర మోడీ నాయకత్వంలో ఇండియా బ్రాండ్ బలంగా ుందని.. ఈసారి దావోస్ వేదికకు అత్యుత్తమ కేంద్ర టీంను పంపిన మోడీని మళ్లీమళ్లీ అభినందిస్తున్నట్లుగా పేర్కొన్నారు. ఈ సందర్భంగా పలు రాష్ట్రాల సానుకూలతల్నిచంద్రబాబు తనదైన రీతిలో ప్రస్తావించారు. మహారాష్టర ఆర్థికంగా చాలా బలంగా ఉందని.. తలసరి ఆదాయంతో పాటు ఇతర ఎకో సిస్టమ్ లో తెలంగాణ ముందు ఉందని.. ఆంధ్రప్రదేశ్ వాటి స్థాయికి చేరుకోవాలంటే చాలా కష్టపడాలన్న ఆయన.. ఆ దిశగా పని చేస్తున్నట్లుగా చెప్పిన వైనం ఆకట్టుకునేలా మారింది.