జగన్ మళ్లీ సీఎం అయితే ఏంటి? అని ప్ర‌శ్నించ‌గా.. అందుకు చంద్ర‌బాబు `ఎవరైనే సరే మోసం చేసి ఒకసారి మాత్రమే అధికారంలోకి వ‌స్తారు. ప్రతిసారి రాలేరు. రాజకీయాలైనా, వ్యక్తిగత జీవితమైనా విలువలు ఉండాలి` అని బదులిచ్చారు. ప‌రోక్షంగా జ‌గ‌న్ మ‌రోసారి ముఖ్య‌మంత్రి అయ్యే అవ‌కాశం లేద‌ని బాబు తేల్చేశారు.

నారా లోకేశ్ వారసత్వంపై ప్ర‌శ్నించ‌గా.. `వారసత్వం అనేది ఒక అబ‌ద్ధం. లోకేష్ రాజకీయాల్లోకి రావడంలో కుటుంబ వారసత్వం లేదు. నిజానికి లోకేష్ కు వ్యాపారం చేయ‌డం చాలా సుల‌భం. కానీ, ప్రజలకు సేవ చేయాలనే ఉద్దేశంతో రాజకీయాల్లోకి వచ్చారు` అని చంద్ర‌బాబు చెప్పుకొచ్చారు. ఇక త‌మ‌కు రాజ‌కీయాలు ప్ర‌జాసేవ కోస‌మే త‌ప్ప‌.. జీవనోపాధి కోసం కాద‌ని.. అందుకే 33 ఏళ్ల క్రితమే కుటుంబ వ్యాపారాలను ప్రారంభించానని చంద్ర‌బాబు ఈ సంద‌ర్భంగా తెలిపారు.