వై.ఎస్. జగన్ సొంత బాబాయ్ వై.ఎస్. వివేకానందరెడ్డి హత్య ఇప్ప‌టికీ మిస్ట‌రీనే. ఏళ్లు గడుస్తున్నా, సీబీఐ రంగంలోకి దిగినా వివేకా మ‌ర‌ణం వెనుకున్న ర‌హ‌స్యాలు మాత్రం వెలుగులోకి రావ‌డం లేదు. మొద‌ట అందరూ ఆయ‌నది సహజ మరణం అనుకున్నారు. వైసీపీ కీల‌క నేత‌, జ‌గ‌న్ కు అత్యంత స‌న్నిహితుడు, మాజీ ఎంపీ విజయసాయిరెడ్డి కూడా వివేకానంద రెడ్డి గుండెపోటుతో మరణించినట్లు మీడియాకు తెలిపారు. కానీ వివేకా ఒంటిపై ర‌క్త‌పు మ‌ర‌క‌లు ఉండ‌టంతో.. హత్య చేసి చంపార‌న్న విష‌యం బ‌య‌ట‌ప‌డింది. దాంతో ఆయ‌న కూతురు సునీత రెడ్డి సీబీఐ విచారణకు డిమాండ్ చేశారు. కానీ వివేకానంద రెడ్డి హత్య కేసు ఇంత వ‌ర‌కు ఓ కొలిక్కి రాలేదు.