ఇప్ప‌టికే విజ‌య‌సాయిరెడ్డి ఎంపీ పదవికి రాజీనామా చేశారు. శ‌నివారం ఉద‌యం ఉపరాష్ట్రపతికి రాజీనామా పత్రం అందించ‌గా.. ఆయన ఆమోదం తెలిపారు. అయితే విజ‌య‌సాయిరెడ్డి రాజీనామాతో ఖాళీ అయిన ఎంపీ సీటు ద‌క్కేది ఎవ‌రికి? అన్న‌ది ఇప్పుడు చ‌ర్చ‌నీయాంశంగా మారింది. వైసీపీ ఓట‌మి త‌ర్వాత ఆ పార్టీకి చెందిన మోపిదేవి వెంక‌ట‌ర‌మ‌ణ, బీదా మ‌స్తాన్ రావు, ఆర్‌. కృష్ణ‌య్య‌లు ఎంపీ ప‌ద‌వికి మ‌రియు పార్టీ స‌భ్య‌త్వానికి రాజీనామా చేశారు. వీరిలో మోపిదేవి వెంక‌ట‌ర‌మ‌ణ, బీదా మ‌స్తాన్ రావు సైకిల్ ఎక్కేయ‌గా.. ఆర్‌. కృష్ణ‌య్య బీజేపీలో చేరారు. వీరు ముగ్గురూ బీసీ సామాజిక వ‌ర్గానికి చెందిన వారే కావ‌డంతో.. ఖాళీ అయిన మూడు రాజ్య‌స‌భ స్థానాల‌ను బీసీ నేత‌ల‌కే కేటాయించారు.