ఎన్టీఆర్‌కు కొత్త సమస్య..!

admin
Published by Admin — November 17, 2026 in Movies
News Image

టాలీవుడ్(Tollywood) బాక్సాఫీస్ వద్ద జూనియర్ ఎన్టీఆర్ దూకుడు చూస్తుంటే మామూలుగా లేదు. ఒకవైపు పాన్-ఇండియా లెవెల్‌లో క్రేజీ ప్రాజెక్ట్స్‌ను లైన్‌లో పెడుతూనే, మరోవైపు నెక్స్ట్ జనరేషన్ లైనప్‌తో నయా రికార్డులకు తెరలేపుతున్నారు. అయితే, సినిమాల స్పీడ్ పెంచిన కొద్దీ ఎన్టీఆర్‌(NTR)కు ఇప్పుడు డేట్స్ పరంగా ఒక సరికొత్త తలనొప్పి వచ్చిపడింది. ప్రస్తుతం ఆయన చేతిలో ఉన్న ప్రాజెక్ట్స్, వాటి షూటింగ్ షెడ్యూల్స్ చూస్తుంటే.. మ్యాన్ ఆఫ్ మాసెస్ తన కాల్షీట్లను ఎలా బ్యాలెన్స్ చేస్తారనేది ఇప్పుడు టాలీవుడ్‌లో హాట్ టాపిక్‌గా మారింది.

ప్రస్తుతం ప్రశాంత్ నీల్ దర్శకత్వంలో ఎన్టీఆర్ చేస్తున్న 'డ్రాగన్(Dragon)' సినిమాపై అంచనాలు ఆకాశాన్ని తాకుతున్నాయి. ఈ హై-వోల్టేజ్ యాక్షన్ డ్రామాను 2027 జూన్‌లో ప్రేక్షకుల ముందుకు తీసుకురావడానికి మేకర్స్ సన్నాహాలు చేస్తున్నారు. అయితే, ఈ ప్రాజెక్ట్ ఇంకా సెట్స్ మీద ఉండగానే, తారక్ నెక్స్ట్ కమిట్‌మెంట్స్‌పై భారీ క్యూ కట్టడం మొదలైంది. ఈ రూమర్స్‌కు ఆజ్యం పోసేలా అనిల్ రావిపూడితో ఎన్టీఆర్ చేయబోయే సినిమాపై రీసెంట్‌గా అఫీషియల్ కన్ఫర్మేషన్ వచ్చేసింది. 2028 సంక్రాంతి టార్గెట్‌గా ఈ ప్రాజెక్ట్‌ను పట్టాలెక్కించాలని అనిల్ రావిపూడి ప్లాన్ చేస్తున్నారట. అంతేకాదు, ఇందుకోసం మే నెల నుంచే షూటింగ్ స్టార్ట్ చేయాలని ఆయన భావిస్తున్నట్లు సమాచారం.

ఇక్కడే అసలు సమస్య మొదలైంది. మరోవైపు త్రివిక్రమ్‌తో చేయాల్సిన భారీ బడ్జెట్ ప్రాజెక్ట్ (గాడ్ ఆఫ్ వార్) కూడా లైన్‌లో ఉంది. త్రివిక్రమ్ గత చిత్రం ఆశించిన స్థాయిలో ఆడకపోవడంతో ఈ కాంబో క్యాన్సిల్ అయిందంటూ సోషల్ మీడియాలో జోరుగా ప్రచారం జరిగింది. కానీ, నిర్మాత నాగవంశీ ఈ రూమర్స్‌కు ఫుల్ స్టాప్ పెడుతూ.. 'డ్రాగన్' పూర్తయిన వెంటనే జూలైలో త్రివిక్రమ్(Trivikram Srinivas) సినిమాను ప్రారంభిస్తామని క్లారిటీ ఇచ్చారు.అయితే ఇప్పుడున్న లెక్కల ప్రకారం చూస్తే.. ఒకవైపు మే నెలలో అనిల్ రావిపూడి సినిమా షూటింగ్, మరోవైపు జూలైలో త్రివిక్రమ్ ప్రాజెక్ట్ ప్రారంభం.. వీటికి తోడు 'డ్రాగన్' పెండింగ్ షూటింగ్ పనులు కూడా ఉండటంతో ఎన్టీఆర్ షెడ్యూల్ పూర్తిగా తలకిందులయ్యే పరిస్థితి ఏర్పడింది. రెండు వేర్వేరు జోనర్స్, ఇద్దరు స్టార్ డైరెక్టర్ల సినిమాలను ఒకే కాలపరిమితిలో బ్యాలెన్స్ చేయడం ఏ నటుడికైనా కత్తి మీద సామే. వరుస విజయాల జోరులో దూసుకుపోతున్న ఎన్టీఆర్, ఈ డేట్స్ క్లాష్ సమస్యను ఎలా అధిగమిస్తారు? ఏ సినిమాకు ప్రయారిటీ ఇస్తారు? అనేది ఇప్పుడు సర్వత్ర ఉత్కంఠ రేపుతోంది.

Tags
Man Of Masses Ntr Tollywood Anil Ravipudi Trivikram Srinivas NTR Movies Dragon
Previous News Next News
Recent Comments
Leave a Comment

Related News