తెలంగాణ రాజకీయం ఎప్పుడూ ఒకేలా ఉండదు. నివురు గప్పిన నిప్పులా ఉన్న రాజకీయ వాతావరణం ఒక్కసారిగా వేడెక్కింది. దీనికంతటికీ కారణం జనసేన(Janasena) అధినేత, ఆంధ్రప్రదేశ్ ఉపముఖ్యమంత్రి పవన్ కళ్యాణ్ తెలంగాణలో అడుగుపెట్టాలని నిర్ణయించుకోవడమే. రాష్ట్ర ఆవిర్భావ దినోత్సవ వేడుకలను పురస్కరించుకుని తెలంగాణలో జనసేన శ్రేణులతో ప్రత్యేక సమావేశం, బహిరంగ సభ నిర్వహించేందుకు ఆయన సిద్ధమవుతుండటం ఇప్పుడు ఇక్కడి రాజకీయ వర్గాల్లో పెను తుఫాను సృష్టిస్తోంది. పవన్ వస్తున్నారు అనే వార్త వినడమే ఆలస్యం.. ఇక్కడి ప్రాంతీయ, జాతీయ పార్టీల నేతల్లో ఒక రకమైన అభద్రతా భావం స్పష్టంగా కనిపిస్తోంది.

పవన్ కళ్యాణ్ కేవలం తన పార్టీని బలోపేతం చేసుకోవడానికి, ‘సేన గళం’ వంటి కమిటీల ద్వారా క్షేత్రస్థాయి క్యాడర్‌కు దిశానిర్దేశం చేయడానికి మాత్రమే ఈ సభను తలపెట్టారు. ఒక ప్రజాస్వామ్య దేశంలో ఏ రాజకీయ పార్టీ అయినా దేశంలో ఎక్కడైనా సభలు పెట్టుకునే హక్కు ఉంటుంది. కానీ, తెలంగాణపై కేవలం తమకే గుత్తాధిపత్యం ఉందనే భ్రమలో బతికే కొంతమంది నేతలు పవన్ రాకను తట్టుకోలేకపోతున్నారు. కాంగ్రెస్ మంత్రి పొన్నం ప్రభాకర్ నుంచి మొదలుకొని, టీఆర్ఎస్ నేత కవిత(Kavitha)), తాజాగా కాంగ్రెస్ ఎమ్మెల్యే అనిరుధ్ రెడ్డి వరకు అందరి ఫోకస్ ఇప్పుడు పవన్ కళ్యాణ్‌పైనే పడింది. "తెలంగాణను అవమానించిన పవన్‌కు ఇక్కడ ఏం పని?" అంటూ అనిరుధ్ రెడ్డి చేసిన వ్యాఖ్యలు వారిలో ఉన్న అసహనాన్ని క్లియర్‌గా చూపిస్తున్నాయి.

అయితే, పవన్ కళ్యాణ్(Pawan Kalyan) అంటే తమకు ఎలాంటి భయం లేదని పైకి మేకపోతు గాంభీర్యం ప్రదర్శిస్తున్నా.. లోపల మాత్రం నేతలకు గట్టిగానే చెమటలు పడుతున్నట్లు కనిపిస్తోంది. పవన్ గనుక తెలంగాణలో సభ పెడితే, ఎక్కడ తమ సాంప్రదాయ ఓటు బ్యాంకు చీలిపోతుందో, ముఖ్యంగా సైలెంట్‌గా ఉన్న యువత ఎక్కడ జనసేన వైపు టర్న్ అవుతుందో అనే కంగారు వారి ప్రతి ప్రకటనలోనూ ఉపాధి పొందుతోంది. నాగేశ్వర్ వంటి అంశాలను అడ్డుపెట్టుకుని పవన్‌ను వ్యక్తిగతంగా టార్గెట్ చేస్తూ విమర్శలు గుప్పించడం వెనుక ఉన్న అసలు రహస్యం ఇదే.

చిత్రమేమిటంటే.. ఈ రాజకీయ శక్తులు పవన్ కళ్యాణ్‌పై ఎంతగా బురదజల్లే ప్రయత్నం చేస్తుంటే, సోషల్ మీడియా వేదికగా ఆయనకు అంతగా మద్దతు పెరుగుతోంది. పవన్‌ను టార్గెట్ చేయడం వల్ల తెలంగాణ ప్రజల్లో, ముఖ్యంగా యూత్‌లో జనసేన పట్ల సానుభూతి, ఆకర్షణ రెట్టింపవుతున్నాయి. విమర్శల రూపంలో విపక్షాలు చేస్తున్న ప్రచారం జనసేనకే పొలిటికల్ అడ్వాంటేజ్‌గా మారుతోంది. మొత్తానికి, తెలంగాణ(Telangana) మాకే సొంతం అనుకుంటూ ఇన్నాళ్లూ కాలం వెళ్లదీసిన పార్టీల ఉనికికే ఈ పవన్ హీట్ పెద్ద షాక్ ఇచ్చేలా కనిపిస్తోంది. రాబోయే రోజుల్లో ఈ పొలిటికల్ వార్ ఏ మలుపు తిరుగుతుందో చూడాలి!