తిరువూరు టీడీపీ ఎమ్మెల్యే కొలికపూడి శ్రీనివాసరావు వ్యవహార శైలి చాలాకాలంగా విమర్శలకు తావిస్తోన్న సంగతి తెలిసిందే. స్థానిక టీడీపీ నేతలతో వివాదాలు మొదలు…అధికారాన్ని ప్రదర్శించే క్రమంలో పార్టీకి చెడ్డపేరు తెచ్చేవరకు కొలికపూడి చేరారు. ఆ తర్వాత పార్టీ క్రమశిక్షణా కమిటీ ఆయనకు క్లాస్ పీకినా తీరు మారలేదు. ఈ క్రమంలోనే వరుస వివాదాలతో పార్టీకి తలనొప్పిగా మారిన కొలికపూడి శ్రీనివాసరావుకు చంద్రబాబు షాకిచ్చారు. ఎన్టీఆర్ జిల్లా నందిగామలో పర్యటించిన చంద్రబాబు..కొలికపూడిని పలకరించకుండా పక్కకు వెళ్లిన వైనం చర్చనీయాంశమైంది.