టాలీవుడ్, కోలీవుడ్ సినీ వర్గాల్లో ప్రస్తుతం ఒకే ఒక్క వార్త హాట్ టాపిక్‌గా మారింది. ఎనర్జిటిక్ స్టార్ రామ్ పోతినేని గురించి వస్తున్న ఈ లేటెస్ట్ అప్‌డేట్ చూసి అభిమానులు ఆశ్చర్యపోతున్నారు. అటు సూపర్‌స్టార్ రజనీకాంత్, ఇటు ఉస్తాద్ రామ్ పోతినేని(Ram Pothineni) కాంబినేషన్ అనగానే సోషల్ మీడియాలో రచ్చ మొదలైంది. అసలు ఈ ఇద్దరు క్రేజీ హీరోలు ఒకే తెరపై కనిపించడం అంటే మామూలు విషయం కాదు కదా.

అందిన సమాచారం ప్రకారం, తలైవా రజనీకాంత్ హీరోగా, లోకనాయకుడు కమల్ హాసన్ నిర్మాణంలో తెరకెక్కుతున్న ప్రెస్టీజియస్ ప్రాజెక్ట్ ‘ధర్మన్(Dharman)’లో రామ్ పోతినేని ఒక ప్రత్యేక పాత్రలో కనిపించబోతున్నారట. కేవలం గెస్ట్ రోల్ అనుకుంటే పొరబడినట్టే. ఏకంగా రజనీకాంత్ అల్లుడి పాత్రలో రామ్ నటిస్తున్నట్లు గుసగుసలు వినిపిస్తున్నాయి.

ఈ క్యారెక్టరుకు సంబంధించిన మరో ఇంట్రెస్టింగ్ డీటెయిల్ ఏంటంటే.. మామతో నిత్యం విభేదించే పవర్‌ఫుల్ అండ్ అగ్రెసివ్ రోల్ అని తెలుస్తోంది. తెరపై రజనీకాంత్(Rajinikanth), రామ్ పోతినేని మధ్య వచ్చే గొడవలు, ఈగో క్లాషెస్ సినిమాకే హైలైట్‌గా నిలవబోతున్నాయట. ఈ మామ-అల్లుళ్ల బాండింగ్ ప్రేక్షకులకు గూస్‌బంప్స్ తెప్పించడం ఖాయమని ఇండస్ట్రీలో టాక్ నడుస్తోంది.

‘ఓ మై కడవులే’ ఫేమ్ అశ్వత్ మరిముత్తు దర్శకత్వంలో తెరకెక్కుతున్న ఈ మూవీలో సిమ్రాన్, రాశీ ఖన్నా కీలక పాత్రలు పోషిస్తున్నారు. మ్యూజిక్ సెన్సేషన్ అనిరుధ్ రవిచందర్ బాధ్యతలు చూసుకుంటున్న ఈ భారీ బడ్జెట్ సినిమాను 2027లో ప్రేక్షకుల ముందుకు తీసుకురావడానికి మేకర్స్ ప్లాన్ చేస్తున్నారు. అయితే, రామ్(Ram) ఈ సినిమాలో నటిస్తున్నారనే వార్తపై చిత్ర యూనిట్ నుంచి ఇంకా అధికారిక ప్రకటన రావాల్సి ఉంది. ఒకవేళ ఇదే గనుక నిజమైతే మాత్రం, బాక్సాఫీస్ వద్ద రికార్డులు తిరగరాయడం పక్కా అని ట్రేడ్ పండితులు అంచనా వేస్తున్నారు.