వెండితెరపై దశాబ్దాలుగా రాజసాన్ని ఒలికిస్తున్న మెగాస్టార్ చిరంజీవి(Megastar Chiranjeevi) ఇప్పుడు వ్యాపార రంగంలోనూ తన సరికొత్త మార్కు చూపించేందుకు సిద్ధమయ్యారు. ఇప్పటివరకు నటన, సినిమా నిర్మాణంలో తన ముద్ర వేసిన ఆయన, తాజాగా థియేటర్ ఎగ్జిబిషన్ రంగంలోకి అడుగుపెడుతుండడం సినీ వర్గాల్లో తీవ్ర ఆసక్తిని రేకెత్తిస్తోంది.

ఇప్పటికే టాలీవుడ్‌లో మల్టీప్లెక్స్ బిజినెస్ అనగానే అందరికీ ముందుగా గుర్తొచ్చేది సూపర్‌స్టార్ మహేష్ బాబు(Mahesh Babu) 'AMB సినిమాస్'. ఆ తర్వాత ఐకాన్ స్టార్ అల్లు అర్జున్ 'AAA సినిమాస్'తో లగ్జరీ థియేటర్ అనుభూతిని అందిస్తూ సక్సెస్ సాధించారు. వీరితో పాటు రవితేజ, విజయ్ దేవరకొండ కూడా మల్టీప్లెక్స్ ప్రాజెక్ట్‌లతో వ్యాపారవేత్తలుగా తమ సత్తా చాటుతున్నారు. స్టార్ హీరోలు తమ బ్రాండ్ వ్యాల్యూను సినిమా ప్రదర్శన రంగానికి జోడించడం ఇప్పుడు టాలీవుడ్‌లో ఒక సక్సెస్‌ఫుల్ ట్రెండ్‌గా మారింది.

ఇప్పుడు అదే బాటలో పయనిస్తూ మెగాస్టార్ చిరంజీవి(Chiranjeevi) కూడా ఈ మల్టీప్లెక్స్ రేసులోకి ఎంట్రీ ఇస్తున్నారు. నైజాం ఎగ్జిబిషన్ రంగంలో అగ్రగామిగా ఉన్న 'ఏషియన్ సినిమాస్' భాగస్వామ్యంతో ఒక భారీ మల్టీప్లెక్స్ ప్రాజెక్ట్‌కు శ్రీకారం చుట్టారు. అద్భుతమైన విజువల్స్, అత్యాధునిక సౌండ్ సిస్టమ్, లగ్జరీ సీటింగ్‌తో ప్రేక్షకులను మంత్రముగ్ధులను చేసేలా ఈ కాంప్లెక్స్ రూపుదిద్దుకుంటోంది.

హైదరాబాద్‌(Hyderabad)లోని సినీ ప్రియులకు వరల్డ్ క్లాస్ థియేటర్ ఎక్స్‌పీరియన్స్ అందించాలనే సంకల్పంతో ఈ డీల్ కుదిరింది. మెగాస్టార్ క్రేజ్, ఏషియన్ సంస్థ సుదీర్ఘ అనుభవం తోడవ్వడంతో ఈ ప్రాజెక్ట్ ప్రారంభం కాకముందే భారీ అంచనాలు నెలకొన్నాయి. ఈ మల్టీప్లెక్స్ అందుబాటులోకి వస్తే నగరంలో థియేటర్ అనుభూతికి ఒక సరికొత్త నిర్వచనం దక్కుతుందని ట్రేడ్ వర్గాలు అభిప్రాయపడుతున్నాయి.