టీవీ 9 రవి ప్రకాష్ పేరు తెలుగు మీడియాలో సుపరిచితమే. టీవీ9 ఛానెల్ తో తెలుగు మీడియాను కొత్త పుంతలు తొక్కించిన వెలిచేటి రవి ప్రకాష్ టీవీ9 నే తన ఇంటి పేరుగా మార్చుకున్నారు. అయితే, తెలుగు మీడియాలో ఓ వెలుగు వెలిగిన రవి ప్రకాష్ ఆ తర్వాత అనూహ్యంగా ఫోర్జరీ కేసుతో టీవీ9 నుంచి బయటకు రావాల్సి వచ్చింది. ఆయనపై అలంద మీడియా ఫిర్యాదు చేయడంతో కేసు నమోదైంది. ఆ తర్వాత రవి ప్రకాష్ సొంతగా ఆర్ టీవీ స్థాపించారు. అయితే, తాజాగా ఆయనపై హత్యాయత్నం కోసం రెక్కీ జరిగిందన్న ప్రచారం సంచలనం రేపుతోంది.